_______________

For comments and suggestions:

Email us at feedback@insidemindanao.com

or send us a message thru our MESSAGE TO THE EDITOR portion on our homepage

______________

Call to End the Extrajudicial Killings
By Sniper, Julius Naypa

Una sa tanan mapasalamton kami nga dako nga gitagaan ninyo kami ug pagtagad ug makapagawas kami sa among gi- bati nga kasakit isip mga B.M. 29 nga gi isip na sa kadaghanan nga sagbot sa katilingban.

Sakit kaayo pamation nga among mabatian nga usa sa among mga kausa sa laya gi-salvage kay nakasala, ako sa akong kaugalingon makapangutana nganong dili man siya taralon sa hukmanan ug pahamtangan sa igong silot alang kaniya kon tinu-od nga naa man gani siya'y sala.

Mohangyo usab ako sa tibuok komunidad nga kon pananglitan makalaya man kami sa sentinsya nga among nadawat tungod sa sala nga among na- himo, dawaton unta ninyo kami pagbalik sa kinasing-kasing isip usa ka tawo nga binuhat usab sa ginoo nga gusto na magbagong buhay, dili unta ninyo kami yam-iran ug dili ninyo pagtamayon tungod kay isa kana sa dahilan nganong kadaghanan kanamo mibalik sa pagkadautan tungod kay wala'y modawat kanamo sa maayong pagtagad kay lagi dautan na man ang inyong pagtan-aw kanamo

Dili tanan panahon dautan ang usa ka tawo nga sama kanamo, nangarap gihapon kami nga mausab ang dagan sa among kinabuhi, sa libo- libong preso nga akong nailhan gamay ra ang wala nag- handum sa kasaban sa iyang kinabuhi kon makalaya na siya, hinaut unta nga tabangan ninyo kami sa pagsubay sa in- saktong dalan kay dili kami mga hayop nga basta na lang ninyong patyon o ihawon, tawo usab kami nga adunay balatian kahibalong sakitan ug magmahay.

Huna-hunaa ninyo mga igsoon usa ra ang nagbuhat kanato ang Dios ra ang dapat mokuha kanato, siya ra ang labing gamhanan nga dapat maghukom sa atong kinabuhi.

Daghan kaayong salamat ug ang Dios magauban ug magapanalangin kaninyong Tanan dinhi na lang ko kutob ug "thousands of thanks" sa inyong gihatag nga pagtagad...

Sniper, Julius Naypa