For comments and suggestions:

Email us at feedback@insidemindanao.com

or send us a message thru our MESSAGE TO THE EDITOR portion on our homepage

______________

First Posted on Inside Mindanao: August 9, 2007

Philippine eagle nakit-an sa Midsalip
By German R. Camarador

MIDSALIP, ZAMBOANGA DEL SUR—Niadtong July 25, 2007 sa may alas 8:30 sa buntag, sila si Freddie Barimbao ug Cesar Flores pulos mga mag-uuma nagpuyo sa Guma, Midsalip, Zamboanga del Sur nakadakup ug usa ka Philippine Eagle nga naluya na diha sa ilang uma.

Sigon sa maong mag-uuma, nagatuo sila nga naigo sa pintik/tirador sumala sa ilang nakita nga adunay bun-og sa may liog niini.

Pagka alas 3:00 sa hapon kapin kon kulang sa mao gihapong adlaw ang Aguila ilang gihatag ngadto kang Police Senior Inspector Gorge Mag-abo Andam, Chief of Police sa Midsalip Police Station aron mahiadto sa hingtungdang ahensya nga gitahasan sa hustong pag-atiman niini.

Pagka July 26, 2007, mianha gilayon ang taga Department of Environment and Natural Resources (DENR) gikan sa Pagadian City pinaagi nila ni Mario Ronulo ug John Rollan. Matud pa nila, usa kini ka Philippine Eagle nga nagpangidaron dili moubos sa tulo kabulan.

Ang Philippine Eagle usa sa pinakadako nga eagle sa kalibutan. Gamay na lang ang nahibilin niini ug makita lang kini sa Pilipinas.

END