TUBAY, AGUSAN DEL NORTE—Sukad sa operasyon sa mina sa bukid sa Barangay La Fraternidad, Tubay, Agusan del Norte ang mga tinubdan sa tubig sa ubos niini nga bahin dili na kini lempyo nga tubig mainum.

Ang tubig sa Barangay La Fraternidad maoy gisaligan sa mga lumulupyo kaniadto nga ilimnon.

Apan karon, ang maong tubig dili na mainum. Adto na mopalit ug tubig ilimnon ang mga lumulupyo sa Barangay La Fraternidad sa Cabadbaran, ang pinakaduol nga siyudad.

Sigon sa usa ka tarbahante sa munisipyo sa Tubay, ang mga tawo sa kumunidad nga makainom sa maong tubig mag–antos sa sakit kalibanga o diarrhea.

Si Pedro, dili tinuod niya nga ngalan, usa ka lumulupyo sa Barangay La Fraternidad, nagkanayon nga ang tubig sa La Fraternidad dili na gyud mainom.

Dugang pa ni Pedro, "Tin–aw ug bug–naw gayud kanang tubiga ug lami kaayo nga im–nun kay medyo may pagka tam–is tam–is. Sukad giminahan, dili na gayud mainum tungod kay makadaot na sa paglawas sa tawo."

Kining usa sa nagsulat nga taga La Fraternidad nakasinati pud sa kalisod tungod kay karon magpalit naman kami ug tubig nga angay namong mainum.

Tungod ani nga sitwasyon, ang Barangay Health Center sa La Fraternidad gapanghatag ug mga tambal alang sa kalibanga. Gipamotangan pud ug chlorine and mga deep well ug ang water reservoir sa La Fraternidad.

END

BACK