SURIGAO DEL SUR—Bisan sa taas nga ani sa bugas sa Surigao del Sur, aduna pa gihapoy pagtaas sa presyo niini.

Nagkayon ang usa ka head sa Municipal Agriculture Office sa probinsiya sa Surigao del Sur, wala daw kakulangun sa bugas sa probinsiya tungod kay ato daw makita nga dako ang produksiyon karon.

Dili ikalimud bisan ang mga mag–uuma—nga unta anaa man kanila ang tinubdan sa maong produkto—karon mas labaw na hinuon nga biktima sa krisis sa bugas.

Nagpaabot ang mga mag–uuma sa among dapit sa ilang gibati. Ingon nila nasinati nila ang kalisod ilabina sa pagkab–ot sa ilang panginahanglan sa adlaw–adlaw. Naghangyo pud sila sa gobyerno nga matabangan sila sa ilang panginahanglan sa pag-uma.

Sa akong nakahinabi nga usa ka lider sa mag–uuma sa among dapit, ingon niya ang pagsigi daw ug adto sa gawas sa nasud sa atong Presidente kini adunay epekto sa pagtumaw niini nga problema tungod kay adunay kasabutan nga napermahan ang Presidente aron lamang nga maka–utang ug ang kapait niini kay ang kasagaran sa mga kondisyon mao ang paghatag ug kagawasan sa mga langyaw nga mosulod sa bisan unsang produkto—usa niini ang bugas.

Matud sa babaye nga lider sa usa ka organisasyon sa among baryo nga ang problema sa pagtaas sa presyo karon sa bugas usa lamang kini sa epekto sa gihimo nga pagtago sa bugas, ug wala paghatag ug importansiya sa gobyerno sa agriculture.

Ang realidad karon nga adunay panagbahin sa hot–ong sa katawhan. Adunay mga tawo nga nakapanag–iya sa yuta nga dili pinaagi sa matarong. Ang mga lumad nga sila unta gayod and tag–iya niini mao ang walay naangkon tungod kay wala silay igong gahum aron sa pagpasibaw sa kamatuoran.

END

BACK