KIDAPAWAN CITY—Sa among barangay sa Don Panaca, Magpet, Cotabato, adunay sakit nga mikuyanap sa mga kabataan ug katigulangan.

Ang maong sakit nga mikuyanap sa among barangay Don Panaca mao ang skin disease o katol–katol sa lawas.

Sumala sa akong nasayran, mi–agi na kini ug medical mission apan hangtud karon wala pa man gihapon kini maulian. Kini ang dakong problima sa among barangay.

Sa akong pakighinabi sa akong kaubanang lumulopyo sa among barangay nga si Jobert Luhong, ingon niya, "Gikan kining maong sakit sa tubig nga among ginagamit sa matag adlaw tungod kay ang tinugdan sa tubig hadoul man sa banana plantation."

Sumala sa akong nahinabi nga kauban lang gihapon sa among barangay nga si Jake Bugcal, "Ang outlet sa tubig nga among ginagamit sa matag adlaw naa nahimutang sa ubos nga bahin sa maong banana plantation."

Sa akong pagsuroy-suroy akong nahinabi si Arwin Bayawan. Matod niya, "Sala sa katawhan kay gapataka lang ug labay sa basura."

Sumala sa akong nahinabi nga lumulopyo lang gihapon sa among barangay nga si Michael Tawan, ingon niya, "Sala sa ginikanan kay wala nila atimana ang ilang mga anak nga sigig dula sa hugaw nga tubig sama sa kanal ug baha panahon sa tag–ulan." Mao kini ang dakong isyu nga wala gayud mahatagi ug maayong solusyon.

Sa kasamtangan, nanawagan kami nga lumulopyo sa barangay Don Panaca sa local government unit or LGU nga masulbad ang among problima.

END

BACK