______________

For comments and suggestions:

Email us at feedback@insidemindanao.com

or send us a message thru our MESSAGE TO THE EDITOR portion on our homepage

______________

First Posted on Inside Mindanao: October 19, 2007

Call to end aerial spray in banana plantations
By Ronald Diez

DAVAO CITY—Ang aerial spray sa mga plantasyon sa saging sa barangay Sirib, niining dakbayan, naghimo kini ug usa ka dakong sakit sa mga residente.

Basi sa akong obserbasyon, sukad sa aerial spray sa plantasyon sa saging sa Sirib, daghang residente sa Sirib ang daghang puti–puti sa lukop sa ilang lawas. Kung kaluton kini, mograbi kini ug mahimong nuka.

Sa akong pag–interview kang Roesel Dapar, usa ka residente sa Sirib, nanawagan siya nga hunungon na ang aerial spray sa plantasyon sa saging labi na Sirib.

Ingon niya, ang aerial spray nakadaot kini sa pananom nga prutas sama sa lanzones ug hinungdan pud kini sa kumplikasyon sa panit o pagputi–puti sa panit.

“Kung dili hunungon ang aerial spray, ang mga residente lang man gihapon ang mag–antos, ” dugang pa niya.

Sa pag–interview kang Ricky Gelicame, usa usab ka residente sa Sirib, ingon niya ang aerial spray sa plantasyon sa saging sa Sirib “mao ang hinungdan na naay mga sakit sa panit” sa mga residente.

Dugang pa ni Mr. Gelicame, “Miminos ang bunga sa pananum nga lubi ug lanzones tungod nangamatay ang mga dahon tungod niini (aerial spray).”

Kadaghanan sa mga residente sa Sirib nanginabuhi ug ginakuha ang kinahanglanon sa pagtanum sa saging.

Ang barangay Sirib karon dili na parihas kaniadto. Sa una, bisan maglakaw–lakaw ka sa udto, dili pa kaayo ka mainitan. Minus na ang tubig sa Sirib ug ang mga sagbut nangamatay na. Wala nay kan–on nga sagbut ang mga baka, kabaw, ug kanding.

Sa pag–interview sa usa ka residente sa Sirib nga naghangyo nga dili isaba ang iyang ngalan, ingon niya, “Para sa akoa, mao ingani ang kainit kay tungod anang plantasyon sa saging.”

Dugang pa niya, “Gipangputol tanang mga kahoy ug gipulihan ug saging. Wala nay kahoy na masilungan sa tanan, ug wala nay landung ang lugar.”

Ubang residente sa Sirib nagkanayon nga ilang gingpaputol ang ilang dagkong mga punuan sa kahoy ug gitamnan puli ug saging para makakuwarta sila kada bulan. Kadaghanan sa residente sa Sirib gitugutan ang mga dagkong kompanya nga tam–nan ug saging ang ilang yuta, puli sa binulan nga bayad.

With reports from Girly Sahidain and Jessamae Sauza

(Editors Note: On January 16, 2006, the City Council of Davao passed an ordinance banning aerial spraying as an agricultural practice. To date, the Pilipino Banana Growers and Exporters Association is seeking relief in court.)

END

BACK